Subscribe

Në një kohë që PD ka kërkuar zyrtarisht nga prokuroria të sqarojë dyshimet nëse Agim Kajmaku ka qënë apo jo i dënuar në Greqi dhe pretendimet se ai nuk ka shkelur prej vitesh në këtë vend, javë më parë kryebashkiaku aktual i Vorës i kishte dhënë përgjigje këtyre akuzave.

Kajmaku pranon se ka ndërruar emrin në kohën kur ka qënë emigrant në Greqi, pasi vetëm në këtë mënyrë mund të pajisej me dokumenta qëndrimi.

Mirëpo ai shton se ndryshimin e emrit dhe mbiemrin nga Agim Kajmaku në Jorgo Toto e ka bërë nëpërmjet procedurave ligjore dhe me vendim të Këshillit të Komunës Prezë në vitin 1996.

Kajmaku shton në një status të gjatë në faqen e tij në facebook se ai nuk ka ndryshuar atësi dhe kjo lehtëson edhe kërkimet e kujtëdo nëse ai ka qënë apo jo I dënuar në Greqi.

Kryebashkiaku i Vorës ka postuar në datën 6 gusht në facebook edhe dokumenta që tregojnë hyrjen e tij në shtetin grek gjatë këtij viti e po ashtu edhe një dëshmi penaliteti nga shteti grek se ai nuk është dënuar në këtë vend.

 

 

Më poshtë reagimi i Agim Kajmakut në datën 6 gusht pas akuzave që iu bëheshin që në atë kohë nga PD se prekej nga dekriminalizimi.

 

 

 

Përshëndetje,

Unë ashtu si dhe shumë e shumë shqiptarë që kanë emigruar në Greqi në vitet `90, më është dashur të ndryshoj emrin dhe mbiemrin për tu pajisur me dokumenta qëndrimi. Sepse fatkeqsisht ky ka qenë niveli i mbrojtjes për emigrantët nga shteti Shqiptar në ato kohë kur Sali Presidenti i futi dy gishtat në sy këtij vendi.

Këtë gjë nuk e kam bërë në shkelje të ligjit, por me Vendim të Këshillit të Komunës Prezë, Nr 06/1, Datë 06.02.1996, “Ndryshim emri dhe mbiemri nga Agim Kajmaku në Jorgo Toto”. Përmes këtij ndryshimi, munda që të siguroj një vizë nga Ambasada Greke për vete dhe familjen.

Prej vitit 1996, bashkë me bashkëshorten time Rita, hapëm një biznes tregëti Lulesh Natyrale. E kam drejtuar vetë atë biznes deri në korrik të vitit 2019 kur u zgjodha Kryetar i Bashkisë Vorë. Biznesin e nisëm me furnizim nga shteti Grek dhe kemi punuar për rreth 8 vjet, deri në vitin 2004 me Greqinë.

Ndërkohë me vendim të Këshillit të Komunës Prezë, Nr 19, Datë 30.03.2004, kam “Ndryshim emri dhe mbiemri nga Jorgo Toto në Agim Kajmaku”. Kjo për shkak se jo vetëm mundësitë e biznesit ishin zgjeruar në vende të tjera të Evropës, por lindi nevoja të administroja pronat e familjes time.

Pavarësisht ndryshimit të emrit për arsye dokumentare, unë Agim Kajmaku gjithmonë kam mbajtur të njejtin emër të babait, nënës dhe të ditës time të lindjes edhe me emrin Jorgo Toto. Prandaj është shumë kollaj e verifikueshme a kam qëne i dënuar apo jo.

E dija që kur i hyra kësaj rruge për të drejtuar Bashkinë e Vorës, se Sali Baba me dyzet qentë e tij do të sulmonin për me kafshu! Prandaj kalova kufirin para se të dorëzoja kandidaturën time, që t’i kisha këto foto me të cilat përshëndes Sali Babën dhe dyzet qentë e vet dixhital.

Konkretisht më poshtë janë:

  1. Certifikata Personale me shënimin përkatës për ndryshimet e ligjshme të emrit;
    2. Dëshmi e Penalitet lëshuar nga Ministria e Drejtësisë në Shtetin Grek ku bazuar në Regjistrin Kombëtar Penal, personi Jorgo (Agim) Toto (Kajmaku) rezulton I PADENUAR;
    3. Formulari i Vetë Deklarimit në zbatim të ligjit Nr. 138/2015 “Për garantimin e integritetit të personave që zgjidhen, emërohen ose ushtrojnë funksione publike”, ku parashtrohen gjeneralitetet e mëparshme.
    4. Foto e Vulave të Pikave të Kalimit Kufitar në Maj 2019.

Po, kam ndryshuar emrin!
Po, kam zbatuar ligjin dhe e kam deklaruar kudo e kurdo!
Jo! Nuk kam qenë asnjëherë i dënuar.

 

 

 

Leave a Reply

Your email address will not be published. Required fields are marked *