Mashtrimet në internet ku njerëzit imitojnë personazhe të famshëm për të zhvatur para nga viktimat e tyre nuk janë një gjë e re, por këtë herë sistemi i drejtësisë ka arritur të shkatërrojë një spirale të tillë. Konkretisht, pesë persona u arrestuan pasi dyshohet se punonin me një “organizatë kriminale” që u afrohej grave online, duke u zhvatur para. Vlerësohet se dy viktimave iu morën mbi 350,000 dollarë .
Këta mashtrues përdornin profile false me emrin dhe fotot e Brad Pitt dhe, sipas informacioneve nga autoritetet policore, u dërgonin mesazhe viktimave të tyre të mundshme me premtimin për një lidhje romantike. Pasi fitonin besimin e tyre, do t’u kërkonin grave të transferonin para, gjoja si investim në prodhimet e tij të ndryshme.
Çështja mori përmasa të tilla, saqë një përfaqësues i aktorit deklaroi zyrtarisht se Brad Pitt nuk ka llogari në rrjetet sociale: “Është e tmerrshme që mashtruesit përfitojnë nga marrëdhënia e ngushtë e të famshmëve me fansat e tyre dhe na kujton të mos përgjigjemi ndaj kontakteve të pa verifikuara nga interneti, sidomos kur mbajnë emra aktorësh pa prani në rrjetet sociale .’
Kjo u ka ndodhur të tjerëve, si Whoopi Goldberg , Tom Hanks , Johnny Depp dhe Florence Pugh. Kjo e fundit, në fakt, së fundmi ka bërë një deklaratë përmes Instagram Story: “Thjesht doja t’ju kujtoja se kjo është e vetmja llogari që më përket mua. Nuk ka faqe të tjera private apo biseda… vetëm kjo. Më ka rënë në sy se disa njerëz kërkojnë para/foto/kontakt përmes faqeve që pretendojnë se më përkasin mua .’/vizionplus.tv
