Shpërthim me tritol gjatë natës në një biznes në Kuçovë

Një sasi e vogël lënde plasëse, e vendosur në derën e një biznesi në Kuçovë ka shpërthyer gjatë natës.

Policia njofton se biznesi është në pronësi të shtetasit me iniciale G.S.

Si pasojë e shpërthimit janë shkaktuar vetëm dëme materiale dhe fatmirësisht nuk ka persona të lënduar.

Grupi hetimor po vijon punën për identifikimin dhe kapjen e autorit/autorëve, si dhe për zbardhjen e plotë të rrethanave të ngjarjes./vizionplus.tv