Shpallet “Burri më seksi në botë” për vitin 2026, aktori: Nuk e kisha imagjinuar kurrë
Aktori kanadez Paul Anthony Kelly, 38 vjeç, është shpallur “Burri më seksi në botë” për vitin 2026 nga revista PEOPLE, duke u bërë protagonist i kopertinës së numrit special.
I ftuar në emisionin “Good Morning America”, më 28 tetor, aktori reagoi me modesti për këtë vlerësim.
“Nuk e kisha menduar kurrë se do të shpallesha Burri më seksi në botë, por e pranoj me kënaqësi këtë nder. Nuk ishte aspak në planet e mia”, u shpreh ai.
Kelly tregoi gjithashtu se tashmë po merr më shumë vëmendje nga njerëzit në rrugë. “Është bukur të të njohin dhe reagimi ka qenë jashtëzakonisht pozitiv”, tha aktori.
Ai po përjeton një periudhë të suksesshme pas rolit të John F. Kennedy Jr. në serialin “Love Story”, i cili u vlerësua me gjashtë nominime Emmy dhe fitoi një çmim.
Megjithatë, Kelly zbuloi se pak javë përpara se të merrte rolin, kishte menduar të hiqte dorë nga aktrimi. Sot, përveç suksesit profesional, ai po shijon edhe pritjen e ëmbël të fëmijës së tij të parë.
“E gjithë jeta ime ndryshoi në atë moment. Edhe sot jam i habitur që po jetoj ëndrrën time”, rrëfeu ai.
