Policia Rrugore kapi në shkelje shoferët me anë të radarëve, dronëve dhe dragerëve të vendosur në rrugë.
Sipas njoftimit të policisë, vetëm këtë të enjte, qysh prej mëngjesit e deri në orën 19.00, janë vendosur 237 masa administrative për parakalime të gabuara.
15 shoferë janë ndëshkuar për mosrespektim të sinjalistikës rrugore. Gjithashtu, janë pezulluar 11 leje drejtimi sepse shoferët ishin të dehur në timon.
Policia vuri në pranga edhe katër shoferë, dy për drejtim mjeti në gjendje të dehur dhe dy sepse nuk kishin patentë. 123 shoferë të tjerë janë gjobitur për përdorim celulari, kurse 94 për mosvendosje të rripit të sigurimit.
