Shfaqen dy vatra zjarri në Vlorë, rrezikohen edhe banesa

Dy vatra zjarri janë aktivizuar mesditën e sotme në Vlorë, në lagjen “11 janari” dhe në zonën Qafë Topi në Peshkëpi, ku situata paraqitet problematike.

Dyshohet se zjarri që ka përfshirë lagjen “11 janari” është i qëllimshëm, ndërsa flakët janë përhapur në një sipërfaqe të gjerë duke djegur parcela me ullishte, ku rrezikohen edhe banesa.

Ndërkohë në zonën e Qafë Topit rrezikohet edhe një fabrikë çimentoje. Për shuarjen e flakëve janë angazhuar disa forca zjarrfikëse, ndërsa situata paraqitet kritike.