Sherr në Fushë-Mëzez, plagosen dy persona

Dy persona janë plagosur mbrëmjen e kësaj të hëne si pasojë e një sherri që kanë zhvilluar me njëri tjetrin.

Sipas policisë ngjarja ka ndodhur në Fushë-Mëzez të Tiranës, ku shtetasit me iniciale E.M 29 vjeç dhe Sh.S 32 vjeç kanë goditur njëri-tjetrin me sende të forta.

Si pasojë e konfliktit dhe e plagëve të marra nga ky sherr të dy ata ndodhen në spital nën kujdesin e mjekëve.

Ndërkohë policia e ndodhur në vendin e ngjarjes po punon për zbardhjen e plotë të këtyre shkaqeve.