KINË – Një pjesë e një autostrade u shemb të mërkurën herët në Kinën jugore duke lënë të paktën 19 persona të vdekur, thanë zyrtarët lokalë, pasi zona kishte përjetuar shi të dendur ditët e fundit.
Tetëmbëdhjetë makina ranë nga një shpat i cili u shemb, sipas një deklarate nga autoritetet në qytetin Meizhou në provincën Guangdong. Ngjarja ka ndodhur rreth orës 02:00.
Dëshmitarët i thanë mediave lokale se dëgjuan një zhurmë të madhe dhe panë një vrimë të hapur disa metra të gjerë pas tyre.
Video dhe fotot në mediat lokale treguan tym dhe zjarr në vendngjarje.
Punëtorët e shpëtimit kanë dërguar 30 persona në spital, raportoi transmetuesi shtetëror CCTV./vizionplus.tv
