Deputeti i PD, Tritan Shehu akuzoi kryeministrin Edi Rama se nuk ka thënë asnjë fjalë për politikat financuese dhe zhvilluese të sistemit shëndetësor.
Në një postim të gjatë në “Facebook”, deputeti Shehu duke u ndalur tek vizita e kryeministrit Rama në spitalin e Fierit, deklaroi se qeveria nuk po thotë asnjë fjalë për dështimin e koncesioneve në shëndetësi.
Sipas deputetit demokrat, kirurëgëve dhe kryeinfermiereve u është kërkuar që për një numër procedurash kirurgjikale të përdorin përsëri instrumentat e vjetër dhe jo ato nga koncesionari i sterilizimit.
“Kryeminstri dje ne spitalin e Fierit, nuk tha asgje per faktin qe PPP e sterilizimit dhe e materialeve konsumit po ben kolaps. Ai me syzat e tij 3 D, kete here konstatoi vetem se dyert jane te vogla, i vetmi konkluzion e direktive kryeministeriale kjo. Asnje fjale nuk tha per politikat shendetesore financuese e zhvilluese te sistemit, te domosdoshme keto per shendetesine tone ne varferi afrikane, me mjeke si “specie ne zhdukje” dhe e fundit ne Europe per kujdesin ndaj te pacientit. Asnje fjale per deshtimin e PPP se sterilizimit e materialeve te konsumit. Kirurgeve e kryeinfermiereve te sallave u eshte kerkuar qe per nje numer procedurash kirurgjikale te perdorin perseri instrumentat e vjeter dhe jo ato nga koncesionari i sterilizimit, se po ”tejkalohet kostoja”, megjithese atij i paguhen shuma gjigande, reth 13 M $ ne vit, duke konfirmuar keshtu akuzat tona per abuzim dhe jo rentabilitet ne kete PPP?!”
Deputeti demokrat deklaroi gjithashtu se spitali i Fierit është në kushte mjerane por kryeministri nuk foli asnjë fjalë në lidhje me këtë çështje.
“Po keshtu asnje fjale per faktin se spitali i Fierit eshte pa neurolog, me nje radiolog, me salla operacioni ne kushte…etj, etj. Askush nuk permendi aty se dhe per te riparuar banjat e gjinekologjise mjeket paguan nga 250000 leke te vjetra secilit?! Pra asnje fjale per shume e shume te tilla probleme te thella lokale e kombetare, qe lidhen me abuzivizmin, mungesen e vizionit, strategjise, vullnetit per t’i perballuar ato. Asnje fjale per “shendetesine falas”!”
