Kryetari i Kuvendit, Gramoz Ruçi u takua këtë të enjte me ish-kryetarin e Aleancës Progresiste të Socialistëve dhe Demokratëve në Parlamentin Evropian, Hannes Sëoboda. Gjatë takimit, Ruçi e falenderoi Swobodan për mbështjetjen dhënë vendit tonë gjatë mandatit të tij në Parlamentin Evropian, për afrimin dhe bashkimin me familjen evropiane si edhe mbështetjen për integrimin e Ballkanit Perëndimor.
Biseda u fokusua progresin që Shqipëria ka bërë në rrugëtimin e saj drejt BE. Swoboda e përgëzoi Kryetarin e Kuvendit për arritjet e vendit tonë vecanërisht vitet e fundit dhe u shpreh optimist për një vendim të merituar për Shqipërinë dhe Maqedoninë e Veriut në Samitin e Zagrebit.
Si President i Institutit Ndërkombëtar për Paqen, Swoboda u shpreh se një nga objektivat e institutit është përfshirja e të rinjve të vendeve të Ballkanit Perëndimor në forumet politike dhe promovimi i tyre në vend për të kufizuar dukurinë e emigrimit.
