Është riaktivizuar zjarri i rënë pasditen e djeshme në masivin pyjor të luginës së Shkopetit.
Era e fortë ka bërë që flakët të rishfaqen në pyllin me pishë pak metra larg rrugës nacionale Burrel – Skuraj.
Helikopteri i Ministrisë së Mbrojtjes ka asistuar në kufizimin e përhapjes së flakëve në anën veriore të luginës, ndërsa forcat e mbrojtjes civile të bashkive Kurbin e Mat si dhe forcat e armatosura vijojnë përballjen me flakët në rrugë tokësore.
Izolimi i zjarrit është i vështirë për shkak të dendësisë së pishave dhe pemëve të tjera.
/vizionplus.tv
