Kryeministri Edi Rama ka publikuar mesazhin e një lideri opozitar në Portugali, teksa tregohet i gatshëm për të kontribuar dhe bashkëpunuar me qeverinë për të mposhtuar pandeminë.
Kreu i qeverisë e cilëson një model dhe shembull pozitiv, teksa shkruan: “Ja si flet opozita kur i shërben sinqerisht vendit dhe popullit, në këtë luftë që ka përfshirë mbarë botën në mbrojtje të jetës së njerëzve”.
Lideri i opozitës në Portugali i drejtohet kryeministrit të vendit që do të japin ndihmën e tyre në përballimin e situatës nga COVID-19 që “sot nuk jemi opozitarë por bashkëpunëtorët tuaj”.
“Për mua në këtë betejë, nuk është qeveria e partisë rivale, është qeveria e Portugalisë të cilën të gjithë duhet ta ndihmojmë në këtë momentet, duhet ta mposhtim këtë fatkeqësi. Ne sot nuk jemi opozitarë por bashkëpunëtorët tuaj. Në këtë moment duhet të jemi të gjithë ushtarë të gatshëm për të ndihmuar në këtë betejë. Të ndihmojmë që Portugalia të fitojë me sa më pak humbje. Zoti Kryeministër keni bashkëpunimin e opozitës, do të ndihmojmë me çfarë mundemi. Ju uroj kurajo, nerva dhe shumë fat. Sepse fati juaj është fati ynë”, thekson lideri i opozitës në Portugali.
