Rama mbërrin në Budapest, publikon foton: Më ftoi kryeministri Orbán

Kryeministri Edi Rama mbërrin në Budapest. Ai njoftoi se ftesa iu bë nga kryeministri i Hungarisë, Viktor Orbán, ndërsa sqaroi se ndodhet për një vizitë pune mbi bashkëpunimin bilateral në ekonomi, shëndetësi, arsim dhe për ecurinë e integrimit.

“Budapest – Me ftesë të kryeministrit Viktor Orbán, për një vizitë pune mbi bashkëpunimin bilateral në ekonomi, shëndetësi, arsim dhe për ecurinë e integrimit europian të Shqipërisë, ku Hungaria është historikisht një mbështetëse e palëkundur”, shkruan Rama.

Ai do të kthehet të mërkurën, në 9 qershor, datë kur Kuvendi i Shqipërisë do të mblidhet për shkarkimin e presidentit Ilir Meta.