E hënë, 16 Nëntor 2026 Mes'dritë Live deri në 12:00 Në vijim ora 12:00: Lajme Ora 12:00 dhe Moti Reklamo Kontakt Karriera
Vizion Plus
Breaking 1/2 përditësuar 12 minuta më parë
Bota

PSG fiton Champions-in, por festimet “e çmendura” në Paris shoqërohen me 300 arrestime dhe trazira

Festa historike e Paris Saint-Germain për fitoren e tyre të parë në Ligën e Kampionëve të shtunën u njollos nga afër 300 arrestime, pasi mijëra tifozë mbushën rrugët e Parisit. Shumica e arrestimeve lidhen me mbajtjen e fishekzjarrëve dhe prishje të rendit publik pranë bulevardit Champs-Élysées dhe stadiumit Parc des Princes, pas fitores së thellë 5-0 ndaj Inter në Mynih.

Ndërkohë që shumica festonin në mënyrë paqësore, policia përdori topa uji për të ndaluar turmat që të arrinin në monumentin Arc de Triomphe. “Personat problematikë në Champs-Élysées kërkonin të krijonin incidente dhe u përplasën disa herë me policinë duke hedhur fishekzjarre dhe sende të tjera,” tha policia në një deklaratë.

Një incident i përmasave më të mëdha ndodhi në Grenoble, në juglindje të Francës, ku një makinë goditi tifozët që po festonin fitoren e PSG-së, duke plagosur katër anëtarë të një familjeje, dy prej tyre në gjendje të rëndë. Drejtuesi i mjetit më pas dorëzoi veten në polici, ndërsa hetuesit besojnë se ngjarja nuk ka qenë me qëllim.

Në stadiumin Parc des Princes, 48,000 tifozë ndoqën ndeshjen nëpërmjet ekranëve të mëdhenj dhe shprehën gëzimin me këngë, valle dhe duke me bori makinash pas fitores historike. Presidenti francez Emmanuel Macron njoftoi se do të presë ekipin fitues të dielën për t’i uruar për suksesin.

/vizionplus.tv

Vazhdo të lexosh

Reklamë