Deputetja e Partisë Demokratike, Ina Zhupa, ka dalë fituese e primareve në qarkun e Vlorës, duke marrë 765 vota. Pas saj, është renditur Atird Hoxha me 484 vota.
Në një deklaratë pas fitores, Zhupa ka falenderuar të gjithë demokratët që e votuan, duke theksuar se ky rezultat për të është një përgjegjësi e madhe për të siguruar një mandat tjetër në Kuvend. Ajo ka nënvizuar se është e domosdoshme që të gjithë të punojnë së bashku për të arritur një fitore në zgjedhjet e 11 majit.
Ina Zhupa:
765💙 E para në Qarkun Vlorë, më e votuara në primare!
Falenderoj të gjithë demokratët që më besuan duke më dhënë vendin si e para në Qarkun e Vlorës, më e votuara me 765 votat e demokratëve të këtij qarku.
Falenderoj në mënyrë të vecantë demokratët e Sarandës, Delvinës, Konispolit, Finiqit, ku isha fituese në çdo bashki, që në fakt janë zona ime elektorale, ata që unë përfaqësoj në kuvend. Gjithashtu edhe demokratët e Vlorës, Selenicës dhe Himarës për mbështetjen që më dhanë.
Kjo për mua është një përgjegjësi për një mandat tjetër në parlamentin shqiptar por kësaj rradhe urojmë dhe do punojmë të gjithë bashkë që të kemi një mazhorancë të
Partisë Demokratike, ku secili nga ne do jetë pjesë e fitores së PD.
Dua të falenderoj të 12 kandidatët e tjerë që morën pjesë në primaret e qarkut Vlorë për një garë cilësore, për një garë pa konflikte dhe në fund të këtij procesi të punojmë të gjithë sëbashku për fitorën e PD në 11 Maj.
