Legalizoi bar-restorante në zonën turistike të Shirokës dhe rrugën kryesore në të cilën nuk lejohej me ligj, dhe prangoset nga policia ish-kreu i ALUIZNIT në Shkodër, Ardian Dodani. Nga hetimet e Prokurorisë së Shkodrës ka rezultuar se Dodani ka shkelur ligjin në 5 raste konkrete, ndërsa një sërë praktikash të firmosura prej tij janë ende duke u hetuar. Me kërkesë të Prokurorisë, Gjykata kishte caktuar me herët ndaj tij masën e sigurisë “arrest me burg”, vendim i cili u be i mundur ketë te premte. Ardian Dodani po hetohet me akuzën e shpërdorimit të detyrës vepër penale, të cilën ai e ka konsumuar përgjatë 2015 kohë kur ka drejtuar dhe zyrën e legalizimit në rajonin e Shkodrës.
