E hënë, 16 Nëntor 2026 7 PA 5 Live deri në 09:00 Në vijim ora 09:00: Mes'dritë Live Reklamo Kontakt Karriera
Vizion Plus
Breaking 1/2 përditësuar 4 minuta më parë
Bota

Plani për largimin e palestinezëve, Trump takon mbretin e Jordanisë: Nuk tërhiqem, projekti sjell paqe afatgjatë në rajon

President Donald Trump speaks with Jordan's King Abdullah II in the Oval Office at the White House, Tuesday, Feb. 11, 2025, in Washington. (Photo/Alex Brandon)

Presidenti Donald Trump po shtron përpara rrugën për planin e tij që kërkon zhvendosjen e plotë të palestinezëve nga Rripi i Gazës dhe marrjen e kontrollit të territorit nga SHBA.

Një “dritë jeshile” iu ndez Trump, pas takimit me të parin lider arab, Mbretin e Jordanisë Abdullah në Shtëpinë e Bardhë.

Duke iu përgjigjur pyetjeve të Gazetarëve në zyrën ovale, Trump tha se nuk do të tërhiqet nga plani i tij.

“Do ta marrim territorin. Do ta mbajmë dhe do ta ruajmë. Do ta marrim eventualisht, do të krijojmë shumë vende pune për banorët e Lindjes së Mesme. Plani im do të sjellë paqe në rajon”, tha Trump.

Reklamë

Ndërsa mbreti Abdullah i cili kishte kundërshtuar më herët propozimin e Trump, nuk mbajti një qëndrim të qartë pro apo kundër.

“Çështja është se si ta bëjmë këtë të funksionojë në një mënyrë të dobishme për të gjithë”, tha mbreti i Jordanisë.

Ai tha gjithashtu se do të jetë në komunikim me të gjitha shtetet arabe për të bërë më të mirën.  Ndërkohë, propozimi i Trump, dhe paralajmërimi që i bëri Hamasit një ditë më parë i ka dhënë zemër kryeministrit izraelit.

“Afati është deri të shtunën pasdite. Nëse pengjet nuk rikthehen, armëpushimi do të përfundojë dhe Ushtria do të rinisë luftimet për t’i dhënë goditjen e fundit Hamasit”, tha Netanyahu.

Armëpushimi i brishtë tre javor, hyri në fuqi një ditë pas inagurimit të Trump si President dhe është më i gjati që nga nisja e luftës./vizionplus.tv

Vazhdo të lexosh

Reklamë