Debat, akuza dhe kundërakuza ka prodhuar këtë të enjte studioja e emisionit “Quo Vadis” të moderatores Pranvera Borakaj në Vizion Plus.
Shkak u bë diskutimi mbi protestën e opozitës të shtunën dhe përplasjen me policinë, çka solli reagime të forta dhe përballje mes të ftuarve.
Kryetarja e PD-së, Dega 1 në Tiranë, Eda Grimci, akuzoi socialistët si parti të dhunës, duke thënë se ishin ata që i çuan protestuesit më 21 janar drejt vrasjes.
I menjëhershëm ishte reagimi i këshilltarit të majtë në Bashkinë e Tiranës, Alfred Muharremi, i cili tha se ata që kanë lyer duart me gjak janë demokratët dhe Sali Berisha.
Pjesë nga biseda:
Grimci: Kur keni parë ndonjëherë që policia të shkojë në seli? As në ’97-ën nuk ka ndodhur.
Muharremi: Ju kanë ardhur kur donit të vrisnit njëri-tjetrin te selia.
Grimci: Ju po vrisni njëri-tjetrin për pushtet.
Muharremi: Mos ma kujto mua 21 janarin, i keni duart me gjak.
Grimci: Ju i çoni shqiptarët mish për top, i vrisni vetë.
Muharremi: I keni vrarë ju, moj. Unë isha me çadër dhe ju më futët plumbin. Mos harroni ’97-ën, zonja Grimci.
Grimci: Ju nuk doni ta hetoni, sepse i vratë vetë.
Muharremi: 21 janari mbaroi, e “hëngri” Lulzim Basha.
Grimci: Turp t’ju vijë.
Muharremi: Juve ju mbuloftë turpi. Çfarë i keni bërë shqiptarëve ju, nga vitet ’45 deri në 2026 — ju jeni organizatë kriminale.
