Gjykata Penale ka vendosur të lërë në “arrest shtëpie” Ekerem Skurenin, drejtuesin e automjetit që përplasi më 25 qershor tre të mitur, të cilët lëviznin me monopatina në bulevardin “Dëshmorët e Kombit”.
Gazetarja e Vizion Plus, Blerina Cene mëson se 41-vjeçari u ka kërkuar falje familjarëve të të miturve.
Skureni u arrestua më 26 qershor dhe akuzohet për shkelje të rregullave të qarkullimit rrugor.
Të miturit që lëviznin në 2 monopatina kaluan rrugën me semafor të kuq, ndërsa shoferi i makinës me semafor portokalli.
Fëmijët po qarkullonin në bulevardin Dëshmorët e Kombit në afërsi të Piramidës, ndërkohë makina vinte nga rruga e Elbasanit në drejtim të zonës së ish-Bllokut.
Dy prej të plagosurve, 9 dhe 11 vjeç, morën dëmtime në krah dhe në këmbë.
Ndërsa një 11-vjeçar u dërgua në spitalin e Traumës në gjendje të rënë pas dëmtimeve në kokë. Skuterat elektrikë, ose monopatinat janë kthyer në një shqetësim serioz për blutë dhe mjekët, pasi ka një rritje të frishme të aksidenteve. Sipas policies në 7% te aksidenteve janë të përfshira monopatinat./vizionplus.tv
