E martë, 17 Nëntor 2026 Mes'dritë Live deri në 12:00 Në vijim ora 12:00: Lajme Ora 12:00 dhe Moti Reklamo Kontakt Karriera
Vizion Plus
Bota

Përplasen dy trena në Pragë, raportohet për dhjetëra të plagosur

Një aksident i rëndë hekurudhor është regjistruar në Pragë, ku dy trena janë përplasur me njëri-tjetrin. Informacionet e para bëjnë fjalë për dhjetëra persona të plagosur.

Sipas njoftimit të policisë lokale, përplasja ka ndodhur në një urë hekurudhore mbi rrugën Seifertova, pranë stacionit kryesor të trenave në kryeqytetin çek.

Menjëherë pas ngjarjes, në vendin e aksidentit janë angazhuar shërbimet e emergjencës, përfshirë ekipet mjekësore dhe autoritetet përkatëse, të cilat po punojnë për t’u ardhur në ndihmë të plagosurve.

Deri më tani, nuk ka një informacion zyrtar mbi shkaqet që çuan në përplasjen e dy trenave, ndërsa as numri i saktë i personave të lënduar nuk është konfirmuar.

/vizionplus.tv

Vazhdo të lexosh

Reklamë

Lini një koment

Me respekt — komentet moderohen nga redaksia.
Nuk publikohet kurrë.