Nënkryetari i Partisë Demokratike, Edi Paloka ka reaguar pas kërkesës së kryeministrit Edi Rama për të marrë 800 mijë vota në zgjedhjet e përgjithshme parlamentare të vitit 2021.
Paloka shkruan në “Facebook” se Rama kërcënon se do tentojë një mandat të tretë, teksa e cilësoi “kryeministrin më të urryer”, për të cilin tha se do të largohet si udhëheqësi libian, Muamar Gadaf nëse nuk pranon të ikë nga pushteti.
“Kerkon 800 mije vota dhe mandat te trete…! Kryeministri me i urryer, te cilin shqiptaret mezi po presin ta qerrojne nje ore e me pare, kercenon se do te tentoje nje mandat te trete. Asnje shans nuk ka te pengoje rrotacionin! Asnje makinacion nuk e ndal me largimin e Rames nga pushteti. E vetmja gje per te cilen Rama mund te marre vendim tani, eshte nese do pranoje te largohet me vote apo si Gadafi. Kjo zgjedhje eshte ne dore te tij sepse shqiptaret e kane marre tashme vendimin e tyre. Shume prej tyre ne fakt do preferonin qe Rama te bente zgjedhjen e dyte; nje fund si Gadafi…!”
Edi Rama tha këtë të shtunë në Kongresin e PS-së që kërkon të marrë 800 mijë vota në këto zgjedhje, ndërsa shtoi se mandati i tretë i duhet socialistëve për të vijuar punën për Shqiperinë europiane.
