Prokuroria kërkon 6 vite e 6 muaj burg për Alban Bengasin, i cili akuzohet se ka paguar Nuredin Dumanin 120 mijë euro për t’i vrarë bashkëshorten,
Ne seancën e sotme me trupë gjykuese ndaj të pandehurit, prokurori kërkoi deklarimin fajtor të Alban Bengasit për pjesëmarrje ne grup te strukturuar kriminal (me F.Qoli, E. Bitri, N. Dumani e një tjeter i panjohur).
Gjithashtu Prokuria kërkoi që Bengasi të deklarohet fajtor për dhunë ndaj bashkeshortes (sot të ndarë) dhe dënim të tij me 6 vjet e 6 muaj burgim. Në përfitim të gjyqit të shkurtuar dënimi për Bengasin ulet dhe shkon në 4 vjet e 4 muaj burgim.
Bengasi doli në skenë pas rrëfimit të penduarit të drejtësise Nuredin Dumanit, i cili ishte personi që do kryente krimin, por diçka të tillë nga bashkëpunëtori i drejtësisë nuk u pranua. Vetë Bengasi i ka mohuar deklaratat e Nuredin Dumanit.
Alban Bengasi ishte në kërkim që nga maji i vitit 2022 dhe ishte strehuar në Dubai, por sapo mbërriti në Rinas u prangos për dhunë në familje dhe pjesëmarrje në grup të strukturuar kriminal.
Tentativa për të vrare ish-gruan ka ndodhur më datë 30.01.2020, rreth orës 11:15 të paradites, në Rrugën “Mihal Grameno”, Tiranë.
Në momentin që shtetasja Blerta Bengasi (Ruçi), ka hyrë në automjetin e saj është dhunuar nga një person, i cili e ka goditur shumë herë me grushta në pjesën e fytyrës dhe mbrapa koke, duke i shkaktuar dëmtime në pjesën e hundës, dhe të gojës tek dhëmbët. Më pas, e dëmtuara Blerta Ruçi, ka njoftuar policinë lidhur me ngjarjen e ndodhur./vizionplus.tv/
