Operacioni “Forca e Ligjit” ka sekuestruar mbrëmjen e kësaj të premteje makinën e Dashamir Gjokës. Mësohet se automjeti tip “Jeep” ndodhet në Drejtorinë e Policisë së Tiranës për verifikim dokumentesh. Dashamir Gjoka u mor edhe në pyetje e më pas u la i lirë. Në datën 5 shkurt “OFL” i kërkoi Gjokës që të deklarojë pasurinë brenda 48 orëve.
“Dashamir. Gj., me banim në Durrës, pasi rezulton i dënuar në Itali për veprën penale “Trafik i qenieve njerëzore”.Emiljano H., me banim në Durrës, pasi rezulton i dënuar në Gjermani për trafikim narkotikësh dhe pastrim parash.Edlir H., banues në Durrës, me lidhje familjare me Emiljano H., pasi dyshohet se gëzon pasuri të prejardhura nga krimi.”
Dashamir Gjoka është një emër i njohur për drejtësinë pasi ndaj tij është hapur një çështje për pastrim parash. Ai dyshohet se e ka krijuar pasurinë e tij në bazë të të ardhurave nga aktiviteti kriminal.
