Rreth 16% e moshave 11 deri në 15 vjeç thonë se kanë qenë viktima të ngacmimeve në internet në vitin 2022, një shifër që shënoi një rritje nga sondazhi i mëparshëm, treguan të dhënat e publikuara sot nga Organizata Botërore e Shëndetësisë (OBSH).
“Ky raport është një alarm për ne që të luftojmë ngacmimet dhe dhunën kudo dhe kurdo që ndodh”, tha drejtori i OBSH-së për Evropën, Hans Kluge.
Raporti i mëparshëm i sjelljes shëndetësore në fëmijët e moshës shkollore (HBSC), bazuar në të dhënat e vitit 2018, tha se 13% e fëmijëve të kësaj moshe ishin ngacmuar në internet.
Shkalla e ngacmimit fizik mbetet e qëndrueshme: 11% e fëmijëve thanë se ishin ngacmuar në shkollë vitin e kaluar, nga 10% katër vjet më parë.
Pandemia ka ndryshuar mënyrën se si ndërveprojnë adoleshentët, tha OBSH, duke shpjeguar se format dixhitale të dhunës filluan të zbatoheshin veçanërisht pas Covid-19, kur bota e të rinjve u bë gjithnjë e më dixhitale gjatë periudhave të karantinës.
Sipas raportit të ri, 15% e djemve dhe 16% e vajzave thanë se ishin ngacmuar në internet të paktën një herë në muajt e fundit.
Një në tetë adoleshentë pranoi se ishte ngacmuar në internet nga bashkëmoshatarët, një rritje prej tre pikësh në vitin 2018, zbuloi raporti.
Sondazhi përfshiu 279,000 fëmijë dhe adoleshentë nga 44 vende dhe rajone në Evropë, Azinë Qendrore dhe Kanada.
Në shumicën e zonave, bulizmi kibernetik arrin kulmin në moshën 11 vjeç për djemtë dhe 13 vjeç për vajzat.
Megjithëse nuk ka shumë dallime në normat sipas profesionit të prindërve, në Kanada janë raportuar më shumë incidente ngacmimi midis fëmijëve më të varfër. /vizionplus/tv
