Ceremonia e kurorëzimit të mbretit Charles III ka nisur zyrtarisht.
Me dorën mbi Ungjillin e Shenjtë, Charles III është zotuar para popullit të tij që do të mbajë premtimet e bëra.
Ai gjithashtu bëri një betim të dytë, Betimi i Deklaratës së Anëtarësimit, duke deklaruar se ai është një “protestant besnik”.
Të shumtë janë qytetarët që janë mbledhur për të ndjekur nga afër momentin historik.
Për një pjesë të britanikëve, familja mbretërore ka rol qendror në kulturën dhe historinë britanike.
Kurorëzimi do të ketë në qendër tri ngjarje kryesore, përfshirë një koncert në Kështjellën Windsor, në perëndim të Londrës, në mbrëmjen e së dielës.
Ceremonia e kurorëzimit të mbretit Charles III ka mbledhur shumë krerë shtetesh e mes tyre edhe presidentin e Republikës së Shqipërisë, Bajram Begaj.
Bajram Begaj, u takua dhe bashkëbisedoi me Mbretin Charles III, Princ William, Presidentin e Gjermanisë, Frank-Ëalter Steinmeier, Presidentin e Austrisë, Alexander Von der Bellen, Presidenten e Komisionit Evropian, Ursula von der Leyen, Presidentin e Hungarisë, Victor Orban, Presidenten e Kosovës, Vjosa Osmani, Kryeministrin e Australisë, Anthony Albanese, e të ftuar te tjerë.
Në bashkëbisedimin e rastit me ta, Presidenti Begaj nënvizoi rolin e Shqipërisë në rajon si faktor paqeje dhe stabiliteti, si dhe shkëmbeu opinione mbi sfidat aktuale me të cilat po përballet rendi botëror dhe vlerat e përbashkëta.
