Më 15 dhjetor Peqini u trondit nga një vrajse në burgun e sigurisë së lartë.
Sokol Mjacaj qëlloi brenda qelisë Arben Lleshin duke e lënë të vdekur.
Lexo edhe :
Ndërsa shoku i tij i qelisë, Indrit Shaqja mbeti i plagosur.
Mjacaj deklaroi se vrau Lleshin për shkak të një sherri që kishte brenda burgut dhe se armën e kishte siguruar me ndihmën e stafit. Si pasojë 12 persona, mes tyre drejtori i burgut, Kamber Hoxha u arrestuan.
Por eksperti i kriminalistikës, Artan Rexhepi mendon se këto arrestime masive në të vërtetë nuk çojnë te autori që ka porositur ngjarjen.
I ftuar në “Quo Vadis” në Vizion Plus, me gazetaren Pranvera Borakaj, ai ngre dyshimin se mosfunksionimi i kamerave, ashtu siç u raportua, është një justifikim.
Rexhepi: Është një ngjarje alla Meksika. Është skandaloze. Vrajse në burgje ka ndodhur, por jo si kjo. Burgu i Peqinit nuk është aq i sigurisë së lartë saç thuhet. Për sa i përket armës është mos punimi i kamerave që kërcet. Ata kanë server, kanë kamera në burg, por edhe sevrer qendror në Drejtorinë e Përegjithshme të Burgjeve. Mund të ndërhyet në çdo moment. Këto historitë e kamerave janë histori për të justifikuar këto veprime. Kjo punë hetohet shumë thjesht. Merret serveri qendror dhe shikohet nëse kanë punuar kamerat apo jo. Unë jam kundër këtyre arrestimeve masive. 15 veta që të kënaqet populli dhe nuk shkohet tek ai autorit i vëretë. Dënojmë 15 veta pa asnjë provë. Polici i burgjeve është në situatë të tmerrshme./vizionplus.tv
