Dita e parë e negociatave mes Rusisë dhe Ukrainës, të ndërmjetësuara nga SHBA-të në Emiratet e Bashkuara Arabe, nuk prodhoi një rezultat konkret.
Pavarësisht përpjekjeve diplomatike nga administrata Trump, perspektivat për një marrëveshje të qëndrueshme paqeje mbeten të paqarta, me Moskën që vazhdon të ushtrojë presion mbi kërkesat e saj maksimaliste territoriale.
Kremlini ka thënë vazhdimisht se çdo zgjidhje duhet të përfshijë dorëzimin nga Ukraina i gjithë rajonit lindor të Donbasit. Kievi i ka hedhur poshtë kushte të tilla, duke thënë se konflikti duhet të ngrijë përgjatë vijës aktuale të frontit dhe duke përjashtuar çdo tërheqje të njëanshme të forcave të saj.
Përpjekjet për marrëveshje po vijojnë edhe këtë të enjte.
“Dita e dytë e negociatave në Abu Dhabi ka filluar. Po punojmë në të njëjtat formate si dje: konsultime trepalëshe, grupe pune dhe koordinim i mëtejshëm i qëndrimeve. Rezultatet do të pasojnë”, kryenegociatori i Ukrainës, Rustem Umarov.
Përveç Umerov, delegacioni ukrainas përbëhet nga shefi i këshillit të sigurisë kombëtare të Ukrainës, Kyrylo Budanov, ish-kreu i inteligjencës ushtarake i cili tani shërben si kreu i administratës presidenciale, David Arakhamia, një negociator i besuar, dhe Andrii Hnatov, shefi i shtabit të përgjithshëm.
Nga ana tjetër, delegacioni rus kryesohet nga Igor Kostyukov, kreu i shërbimit të inteligjencës ushtarake, së bashku me zyrtarë të tjerë të inteligjencës dhe të dërguarin special të Kremlinit, Kirill Dmitriev.
/vizionplus.tv
