Rudina Hajdari ka përkujtuar të atin, Azem Hajdarin, në 24 vjetorin e ndarjes nga jeta.
Në një takim në ‘Qytetin Studenti” të organizuar nga Sali Berisha, Rudina ka rikthyer në kujtesë një ngjarje nga fëmijëria.
Hajdari tregoi se pavarësisht gjëndjes së tij pas plagosjes në Parlament apo edhe ngarkesës në punë, Azem Hajdari gjithmonë kujdesej për fëmijët e tij dhe jo vetëm.
“Sot jemi ne duke celebruar jetën dhe vepren e Azem Hajdarit dhe unë dua të ndaj një histori.
Kur isha fare e vogël babi vinte shpesh e më merte nga shkolla. Ai donte që unë të isha më e mira por të më treguar një lloj përkujdesje ai vinte çdo ditë dhe më merrte nga shkolla.
Një ditë ai nuk erdhi, prita gjatë por ai nuk erdhi. Në fakt erdhi një makinë për të më marrë, prapa sediljes pash një këmishë të gjakosur.
E kishin plagosur në Parlament. Kur shkova e pash, më tha ‘Hë Rudina ça note more sot?’ Dhe unë që mendoja, si ka mundësi që ky njeri edhe në këtë gjendje të më kërkojë llogari për shkollën.
Por i tillë ishte babi që kujdesej për të gjithë jo vetëm për fëmijët e tij, dhe ai e bëne këtë me dëshirën më të madhe.”
