Shqipëria regjistron zyrtarisht 37 viktima nga Covid-19. Ministria e Shëndetesisë konfirmoi këtë të martë se një tjetër pacienti prekur nga koronavirusi ndërroi jetë si pasojë e komplikimeve që dha ky virus në shëndetin e tij.
Pacienti 68 vjeçar nga Puka, vuante nga sëmundje kronike në mushkëri.
Ai ishte ne gjendje te rende i intubuar prej disa ditësh ne spitalin Infektiv.
Marjeta Dervishi, specialiste e Institutit të Shëndetit Publik, tha se pavarësisht përpjekjeve të stafit mjekësor 68 vjeçari nuk ka mundur të mbijetojë.
Të dhënat nga Ministria deri më tani, saktësojnë se shumica e viktimave janë ng qarku Tirana ( 21), në Durrës kemi 7 viktima, në Fier 4, në Shkodër 3, Vlorë 1 dhe Kukës 1.