Pas publikimit te raportit te Freedom House, ka reaguar institucioni i Presidentit te Republikës. Presidenca shpreh keqardhjen për keqpërdorimin sipas saj, te këtij raporti, në funksion të axhendave të njëanshme politike në vendin tonë. “Zgjedhja e presidentit Meta është realizuar në një proces tërësisht kushtetues dhe demokratik me një shumicë mbi 3/5-at e votave dhe në një moment kyç për stabilitetin e vendit dhe zgjidhjen e krizës politike parazgjedhore.
Në mënyrë të sforcuar dhe të njëanshme ky raport, jo vetëm deformon këto të vërteta, por në mënyrë spekulative dhe të qëllimshme kërkon të krijojë fokuse artificiale.” – thuhet ne reagim. Presidenca i bene thirrje Freedom House se nëse është e interesuar vërtet të hedhë dritë mbi korrupsionin në Shqipëri, duhet të hetojë në mënyrë të paanshme se kush ka ndikuar dhe porositur këto deformime të fakteve dhe të të vërtetave në raport. “Jemi të bindur, thekson presidenca, se aty do të zbulojë simbolet konkrete të korrupsionit kombëtar dhe ndërkombëtar.
