Presidentja e Komisionit Europian, Ursula Von der Leyen pritet të mbërrijë sot në Shqipëri, ndalesa e parë e turit të saj në vendet e rajonit të Ballkanit Perëndimor, e ku do të takohet me kryeministrin Edi Rama dhe presidentin Ilir Meta.
Mësohet se së bashku me kreun e qeverisë Edi Ramën do të marrë pjesë ne inagurimin e shkollës ‘Korb Muça’ dhe kopshtin ‘Europa’ financuar nga fondet e Bashkimit Europian.
“Sot filloj vizitën time me 6 partnerët e Ballkanit Perëndimor. Mesazhi im është i qartë, ne ndajmë një të ardhme të përbashkët evropiane”, shkruan ajo në “Twitter’.
Vizita e von der Leyen vjen një javë para samitit të BE dhe Ballkanit Perëndimor, i cili do të mbahet më 6 tetor.
Axhenda:
8:45-Pritja te Pallati i Brigadave me ceremoni
Rreth orës 9:00-Takimi me Kryeministrin Ramën
Rreth orës 10:00 është parashikuar një takim me Presidentin Meta
Pas kësaj Von Der Leyen dhe Kryeministri Rama do të vizitojnë shkollën “Korb Muça” në Qerekë të Krujës, shkollë e cila është rindërtuar përmes programit ‘BE për shkollat’ pas dëmtimit nga tërmeti i 26 nëntorit 2019.
Pas vizitës aty do të ketë edhe një konferencë për shtyp të përbashkët të Kryeministrit dhe Komisioneres Ursula Von Der Leyen.
