Pas disa oresh ankth ka marre fund pengmarrja e nje avioni te kompanisë “EgyptAir” me 64 persona ne bord. Pengmarresi Seif Eldin Mustafa qe detyroi pilotin te devijonte fluturimin Aleksandri-Kajro dhe te ulej ne aeroportin e Larnakas ne Qipro, iu dorëzua forcave te policisë qe negocionin me te qe prej mëngjesit te kesaj te marte. Te gjithe personat qe gjendeshin ne avion u liruan dhe janë ne gjendje te mire shëndetësore.
Motivet e kësaj ngjarjeje janë ende te paqarta. Pengmarresi kishte kërkuar te fliste me ish-bashkëshorten e tij qipriote, me te cilën kishte kater fëmijë. Edhe presidenti qipriot, ndërsa komentoi kete ngjarje, deklaroi me humor se gjithnjë arsyeja është nje femër.
Me te zbritur avioni ne toke, pengmarrësi dorëzoi nje leter ne arabisht ku kërkonte te takonte ish-gruan e tij qe jeton ne Qipro. Ajo u përfshi ne negociatat per lirimin e pengjeve.
Ajo që u konfirmua zyrtarisht ishte përjashtimi i motiveve per terrorizem gjithë kësaj ngjarje. Policia njoftoi se ndonëse kishte kërcënuar se mbante nje rrip me eksploziv, pas kontrolleve, rezultoi se ai ishte fals dhe se te riut, nuk iu gjet asgjë ne trup. Fluturimet ne aeroportin qipriot jane pezulluar qe prej mëngjesit.
