Turizmi po merr goditje të parikuperueshme. Sikur të mos mjaftonte pezullimi i transportit brenda e jashtë vendit, tashmë mbyllja e kufirit me Malin e Zi është një tjetër masë negative për të gjithë operatorët turistike, të cilët sytë i kanë këtë sezon veror nga vendet e rajonit.
Ne ishim investuar këto dy javë me marketing si dhe me marrëveshjet e arritura me partnerët tanë në Malin e Zi, për të fokusuar këtë sezonin mes vendeve tona. Por vendimi më i fundit i qeverisë malazeze, është një mënyrë e sjellshme për të na thënë ne shqiptarëve që nuk ju duam, për shkak të numrit të lartë të të infektuarve. –thotë Rezaerta Kushi, turoperatore. Mbyllja e kufirit me Malin e Zi do të thotë mbyllje e aktiviitetit turistik për të gjithë industrinë tonë-thotë Flamur Baruti, agjent turistik.
Por e gjithë kjo situatë ka efekte negative për të dy vendet, por më të prekurit janë shqiptarët të cilët janë frekuentues të rregullt gjatë fundjavave, në bregdetin malazez.
Jemi në një paqartësi totale. Shpresojmë shumë që ky vendim të rishikohet brenda kësaj jave, në të kundërt do të jetë shumë penalizues. Imagjinoni të ndodhë diçka e ngjashme në 1 korrik me Greqinë. Ne sapo kishim lidhur kontratat me disa nga hotelet me të mëdha në Budva dhe zonat përreth, janë kontrata që funksionojnë në bazë parapagimi.
Nga e shtuna, qeveria malazeze mori vendim për të mbyllur kufirin me Shqipërinë pa afat. Vendimi kërkon që çdo qytetar që kërkon të hyjë në territorin e Malit të Zi duhet të ketë bërë analizën e Covid-19 të paktën 48 orët e fundit, një masë kjo e cila duket e pamundur të konkretizohet për ata që janë për qëllime turistike.
