Aktori i famshëm, Leonardo Di Caprio ka postuar sërish një foto të lumit Vjosa në profilin e tij në “Instagram”, duke iu përçuar ndjekësve një lajm të dobishëm.
Ai shkruan se kryeministri Edi Rama, më 25 shtator, njoftoi refuzimin e digës Kalivac dhe se zona do të bëhet park kombëtar. Aktori e konsideroi një arritje të madhe këtë vendim jo vetëm për Shqipërinë, por edhe për Evropën
Po ashtu, ai i bëri thirrje kryeministrit të Bosnje Hercegovnës që të ndërmarrë hapa ligjore për të mbrojtur lumenjtë nga ndërtimi i HEC-eve.
“Ndërsa ne presim që Kryeministri dhe qeveria e tij në Bosnjë dhe Hercegovinë të ndërmarrin hapa ligjore për të mbrojtur lumenjtë e vendit pjesë e ‘Zemrës Blu’ të nga shkatërrimi i mëtejshëm nga hidrocentralet e vogla, ka lajme shumë të mira që vijnë nga Shqipëria. Vjosa, një nga lumenjtë e fundit të egër të Evropës mund të shpëtohet nga zhvillimi i hidrocentraleve. Në 25 shtator, Kryeministri i Shqipërisë, Edi Rama, njoftoi se projekti i digës Kalivaç u refuzua dhe se zona do të bëhet një park kombëtar. Parku Kombëtar i lumit të Vjosa do të bëhej vendi më i madh i Evropës për ruajtjen e lumenjve që mbulon disa qindra kilometra lumenj dhe përrenj dhe mbron qindra apo edhe mijëra specie, si ngjala e Evropës në rrezik global dhe flutura e Vjosës e zbuluar së fundmi. Kjo do të ishte një arritje e madhe për Shqipërinë dhe pjesën tjetër të Evropës dhe parku mund të bëhet një model për Strategjinë e Biodiversitetit brenda kornizës së Marrëveshjes së Gjelbër. Në pritje të më shumë lajmeve të mira në lidhje me veprimet konkrete për mbrojtjen e përhershme dhe të plotë të lumenjve në Bosnjë dhe Hercegovinë, Shqipëri dhe pjesën tjetër të rajonit të Ballkanit që përbëjnë ‘Zemrën Blu’”, shkruan Di Caprio.
Vjosa është cilësuar si “Zemra Blu e Europës”, si lumi i fundit, i madh në Europë që ka mbetur i virgjër në 270 km e gjatësisë së tij.
