Kombëtarja shqiptare e futbollit nisi zyrtarisht mbrëmjen e së hënës përgatitjet për dy ndeshjet e fundit kualifikuese për ”Katar 2022”.

 

Duelin e parë kuqezinjtë e kanë përballë Anglisë, një nga ndeshjet më të vështira e më vendimtare për skuadrën e Rejës.Mesditën e kësaj të marte dy lojtarët kuqezi, Qazim Laci dhe Frederik Veseli dolën përballë gazetarëve për tu përgjigjur pyetjeve.

 

Një nga emrat e rikthyer në listën e Edi Rejës ishte pikërisht mesfushori Laci,  i cili tregoi se ka lënë pas cdo dëmtim dhe beson tek supriza.

 

 

QAZIM LAÇI- FUTBOLLIST

”Ndihem mirë, e kalova shumë shpejt dëmtimin. Nga të gjitha anët taktike do të punojmë, kemi një kundërshtar që në të gjitha fazat e lojës është shumë mirë. Do të punojmë shumë për këto ditë që kemi për të marrë maksimumin dhe për të marrë një rezultat pozitiv.Luajmë ndaj Anglisë, do të jetë një ndeshje e fortë, por dhe ne do të përgatitemi shumë mirë për të marrë rezultat në Uembli. Do të jetë hera e parë që do të luaj, do të kemi emocione sepse kur luajmë me Kombëtaren ne kemi emocion.”

 

Edhe mbrojtësi Frederik Veseli tregoi atmosferen aktuale në skuadër.

 

FREDERIK VESELI – FUTBOLLIST

”Atmosfera është e mirë deri tani. Do të japim maksimumin, kemi shanse, edhe pse ende jemi të mërzitur pas asaj humbjeje me Poloninë.Edhe në ndeshjen e fundit me Anglinë kemi bërë paraqitje të mire, kemi mbrojtësa që luajnë në Serinë A dhe shpresojmë që të japim maksimumin.Isha me COVID-19 për dy javë, tani jam me një javë stërvitje. Dy ndeshjet të Kombëtares isha i dëmtuar, më pas e kam treguar edhe në aspektin fizik dhe mental që isha gati.”

 

Kombëtarja kuqezi ndeshet me Anglinë në 12 nëntor në “Uembli” dhe 3 ditë më vonë e mbyll me Andorrën në stadiumin ”Air Albania”.

 

Aktualisht Shqipëria renditet në vendin e tretë me 15 pikë, 2 me pak se Polonia e vendit të dytë.

Leave a Reply

Your email address will not be published.