“Krim në Hotel” në Gjirokastër, publiku duartroket komedinë amerikane
Teatri i Gjirokastrës “Zihni Sako” mirëpriti për tre ditë me radhë premierën e komedisë amerikane “Krim Në Hotel” me aktorët Ëngjëll Hoxha, Altea Lazaj dhe Aleksandër Kondi.
Vepra e shkruar nga autorët e njohur, Ron Clark dhe Sam Bobrick, me regji të Aleksandër Kondit, u prezantua si një risi në realitetin e publikut gjirokastrit.
ALEKSANDËR KONDI
AKTOR
“Mendoj se shfaqja u prit mirë nga publiku, nga elementët e regjisë kishte prurje të reja, kjo ishte një pjesë amerikane që sjell një kulturë tjetër, një humor tjetër.”
Aktorët vlerësuan atmosferën e ngrohtë dhe interesin e shfaqur nga publiku.
ALTEA LAZAJ
AKTORE
“Ishte shumë mikpritës edhe publiku edhe stafi, shpresoj që të jetë pëlqyer dhe të rikthehen përsëri për të na parë nesër dhe pasnesër.”
ËNGJËLL HOXHA
AKTOR
“Komedia trajton ccështjet e ditëve të sotme që të gjitha gratë përveç burrit kanë edhe një dashnor me vete për çështje të egos.”
Një tjetër element që i shtoi ngjyrat këtij bashkëpunimi ishte edhe muzika live, që shoqëroi lojën autoriale nga kompozitori i njohur gjirokastrit, Flori Hoxha.
