Nga 257 anëtarë të Këshillit Kombëtar që morën pjesë në votim për shkarkimin nga kryesia të anëtarëve që ishin dje në Kuvendin e PD-së, 251 votuan pro shkarkimit, 4 kundër dhe 2 fletëvotimi rezultuan të pavlefshme.
Këshilli Kombëtar, e konsideroi pjesëmarrjen e tyre në Kuvendin Kombëtar të Sali Berishës si ilegale, duke u kthyer si një celulë e partisë.
Në mbledhjen e Këshillit Kombëtar u miratua edhe një rezolutë. Në këtë dokument, vihet ne dukje se çdo vendim i marrë dje në Kuvendin e Berishës është nul dhe nuk ka asnjë vlerë politike dhe ligjore për Partinë Demokratike.
Të shkarkuarit janë:
Kryetari i Këshillit Kombëtar, Edi Paloka
Anëtarët e kryesisë:
Flamur Noka
Aldo Bumçi
Gent Strazimiri
Albana Vokshi
Oerd Bylybashi
Si dhe sekretarët:
Ervin Minarolli
Ivi Kaso
Belind Kelliçi
Ledina Mandia
