“Kam futur shumë armiq në shtëpi”/ Olti Curri hap dyert e shtëpisë, ja se si duket

Për herë të parë Olti Curri ka hapur dyert e shtëpisë së tij për Jonida Maliqin. I ftuar në emisionin “Jonida’s room”, ai tregoi ambientet e shtëpisë së tij, arreduar me një stil modern dhe minimalist.

Olti u shpreh se shpenzon shumë kohë në shtëpi dhe se nuk fton vetëm miq, por edhe armiq.

“Jam person që rri shumë në shtëpi, ka raste që rri edhe 48 orë pa dalë nga shtëpia. Jo kur jam i sëmurë, por dua te rri në shtepi. Këtu vijnë shumë miq, por vijnë edhe shumë armiq, pasi janë pjesë e jetës. Ata tipat qe vijnë dhe ngrihen nga këtu dhe thonë diçka më pas. Armiqësitë e lehta; ata që janë kështu si thumba të vegjël që të hyjnë te dora”, u shpreh Olti Curri.