Me debate dhe tensione ka vijuar seanca plenare e kësaj të marte.
Taulant Balla teksa ka replikuar me kreun e PD Sali Berisha, i është përgjigjur edhe Jozefina Topallit.
Ai i ka kujtuar deputetes së PD një takim në vitin 2021.
“Kam nderin që të jem njeriu që të kam kallëzuar ty Sali.
Ti Jozefinë mos u bëj sikur të dhëmb barku për Saliun se në 2021 kemi bashkëpunuar bashkë kundër Saliut. Të lutem, këtë pjesë ma kurse pak se unë për fat të keq di shumë gjëra si i ndanit llogaritë. Ti na dole huq fare se mendova se do merrje ndonjë votë në Shkodër, por dole dhe në Shkodër njësoj si në Diasporë. Këto rikthimet si puna jote Jozefinë janë si ajo mbas asaj.
Sali laj gojën sa herë përmend PS se ta ka dhënë përgjigjen e do ta jap edhe në 2029”, tha Balla.
Replikat e Ballës sollën reagimin e menjëhershëm të Jozefina Topallit, e cila mori fjalën për t’i kthyer përgjigje akuzave. Topalli mohoi çdo takim apo bashkëpunim personal me Taulant Ballën dhe theksoi se angazhimi i saj politik në vitin 2021 kishte ardhur për shkak të situatës brenda Partisë Demokratike.
“E njohur publike që në 2021 krijova një lëvizje. Isha një vit më parë nënkryetare e PD dhe vura re që në krye të PD ishte dikush që e kontrollonit ju dhe e majmonit natë dhe familjet e tij.
Nui të kam takuar kurrë në jetë, ke takuar Lulzim Bashën”, tha ajo./vizionplus.tv
