Jonaid Myzyrit i komunikohet akuza, kreu i Prokurimeve Publike paraqitet në SPAK

Kreu i Komisionit të Prokurimit Publik Jonaid Myzyri është zyrtarisht nën akuzë për shkelje të barazisë në tendera.

Pak ditë më parë ai u mor i pandehur nga SPAK, në kuadër të një hetimi për shkelje të barazisë në tendera, vepër penale e dyshuar se është kryer në bashkëpunim me persona të tjerë.

Hetimet kanë nxjerrë në dritë dyshime se gjatë ushtrimit të funksionit, ai ka ndikuar në mënyrë të padrejtë në procedurat e prokurimit publik, duke cenuar parimet e barazisë dhe konkurrencës së ndershme në tendera.

Në listën e personave të pandehur që SPAK pritet t’i komunikojë akuzën janë dhe 3 anëtare të gjykimit të ankesave nga subjektet private në komisionin e prokurimeve publike.

/vizionplus.tv