Ambasadorja e Shteteve të Bashkuara të Amerikës Yuri Kim ka apeluar se investimet e huaja do të rriten ndjeshëm, vetëm pasi të shmanget ndikimi kriminal dhe ai politik në ekonomi. Në asamblenë e përgjithshme të Dhomës Amerikane të tregtisë, diplomatja e vuri theksin edhe tek sistemi i drejtësisë si një tjetër shqetësim i investitorëve, që nuk vijnë në Shqipëri.
YURI KIM
AMBASADORE E SHBA
“Diçka është duke ndodhur në ajër dhe ju e dini këtë. Do të ketë më shumë investime amerikane kur gjykatat të jenë të pastra,rregullat që zbatohen të jenë të njëjta dhe pronat që kanë blerë do të jenë me vlerë. E rëndësishme është të ketë transparencë dhe të largohet ndikimi kriminal ose politik në ekonomi.”
Duke u ndalur tek kriza e shkaktuar nga Lufta në Ukrainë ambasadorja Yuri Kim Kim tha se Shqipëria mund të luajë një rol kyç në uljen e varësisë me gaz nga Rusia.
YURI KIM
AMBASADORE E SHBA
“Besoni ose jo ajo që po ndodh në Shqipëri mund të sjellë një kontribut domethënës për marrëdhënien tonë si anëtar të NATO dhe që Evropa të çlirohet nga varësia e Rusisë dhe çfarëdo lloj burimi tjeter. Pra diversifikimi i furnitorëve me energji mund të realizohen përmes Shqipërisë, me atë që është duke ndodhur këtu. Projekti i gazit të lëngshëm në Vlorë mund të sjellë 5 mld metër kub gaz natyror në vit. E gjithë TAP-i ka kapacitet 20 mld metër kub gaz natyror.”
Sa i përket klimës ekonomike, presidenti i dhomës amerikane të tregtisë i Enio Jaço e konsideroi shqetësim serioz emigrimin e fuqisë punëtore.
Këto deklarata u bënë gjatë mbledhjes së asamblesë vjetore të dhomës amerikane të tregtisë.
