Inflacioni 3.7% edhe në janar; ndikuan çmimi i karburanteve, ushqimeve dhe energjisë

Edhe pse vala e konsumit të festave të fundvitit kaloi, ritmet e rritjes së çmimeve ishin të larta edhe në janar.

Sipas Instat, inflacioni muajin e shkuar qëndroi në nivelin 3.7%, njësoj si në dhjetor.

Ndikimin më të madh në rritjen e inflacionit, në raport me janarin e 2021 kur ishte në nivelin 0.4%, e dhanë çmimet e shtrenjta të karburanteve, pasuar nga çmimet e ushqimeve dhe energjisë.

Inflacioni i dy muajve të fundit është më i larti i kësaj dekade.