Shpëtim Çeliku, i burgosuri që humbi jetën mëngjesin e kësaj të shtune, rezulton i dënuar me 25 vite burg nga Gjykata e Rrethit Vlorë për veprën penale “Vrasje në rrethana të tjera cilësuese”, pasi ishte arrestuar më datë 09.12.2012.
Çeliku është arrestuar pasi ka vrarë bashkëshorten e tij shtatzënë.
Lexo edhe :
Çifti në vitin 2012, në kohën kur ndodhi ngjarja tragjike, ishin të martuar prej 16 vitesh. Nga martesa e tyre kishin 3 fëmijë. Në atë kohë përkatësisht një djalë 12 vjeç dhe dy vajza 7 dhe 3 vjeç.
Ndërkohë që Manushaqja, viktima, ishte në mujan e 6 të shtatzanisë. Priste të sillte në jetë një tjetër djalë.
NJOFTIMI:
Shtetasi Shpëtim Çeliku, i cili vuante dënimin në një burg të sigurisë së lartë, ka ndërruar jetë rreth orës 08:10 në Reanimacionin Qendror të QSUNT, ku ishte dërguar për trajtim të specializuar për shkak të gjendjes së rënduar shëndetësore.
Vdekja ka ardhur si pasojë e arrestit kardiorespirator. Çeliku, banues në Vlorë, ishte dënuar me 25 vite burg nga Gjykata e Rrethit Vlorë për veprën penale “Vrasje në rrethana të tjera cilësuese”, pasi ishte arrestuar më datë 09.12.2012. Nga dënimi i tij kishin mbetur për të vuajtur edhe 8 vite e 5 muaj. Më datë 15.10.2025 ai ishte transferuar në Spitalin e Burgjeve nga IEVP Shkodër, dhe më pas u dërgua në QSUNT, ku ndërroi jetë.
Nga ana jonë janë duke u zbatuar procedurat me njoftimin e Prokurorisë, SHKBSB, Komisariatit të Policisë dhe familjarëve.
/vizionplus.tv
