51-vjeçari që mbijetoi dy muaj në Oqeanin Paqësor me qenin e tij dhuron kafshën
Historia e Tim Shaddock ka bërë buhjë së fundmi në rrjetet sociale sidomos por edhe në shumë media të botës.
Ai mbijetoi në Oqeanin Paqësor për gati dy muaj bashkë me qenin e tij Bella.
Shaddock, 51-vjecar, vendosi tia dhurojë kafshën, një anëtari të ekuipazhit të Maria Delia, anijes meksikane që i shpëtoi jetën, me kusht që qeni të merrte kujdesin e duhur.
Shaddock, një marinar në profesion, dhe qeni i tij Bella mbijetuan dy muaj në Oqeanin Paqësor duke ngrënë peshk të papërpunuar dhe duke pirë ujë shiu pasi varka me të cilën po udhëtonin u dëmtua nga një stuhi.
Varka ishte nisur nga Meksika për në Polinezinë Franceze në prill.
51-vjeçari dhe shoku i tij besnik u pikasën nga një helicopter dhe më pas u shpëtuan nga barka meksikane Maria Delia.
Mjeku në bordin e anijës se peshkimit që shpëtoi të mbijetuarin dhe qenin e tij i tha transmetuesit australian 9Neësse se Tim Shaddock ishte “mirë”.
“Kam kaluar një sprovë shumë të vështirë,” tha Shaddock në një video, “Kam nevojë për pushim dhe ushqim të mirë sepse kam qenë vetëm në det për një kohë të gjatë. Por jam në gjendje shumë të mirë shëndetësore.”
Historia, e cila të kujton atë të filmit “Cast Aëay”, ka bërë xhiron e botës.
Burri së shpejti do të kthehet në Australi, raporton Daily Mail , por pa qenin e tij Bella. Pasi u shpëtua dhe u ul në qytetin meksikan të Manzanillo, Meksikë, ai vendosi të dhurojë qenin e tij, qen të cilin ai e kishte takuar pikërisht në fshat pak para udhëtimit katastrofik.
“Bella më gjeti në mes të Meksikës – tha burri – Unë u përpoqa t’i gjeja shtëpinë e saj tre herë, por ajo vazhdoi të më ndiqte. Ajo është shumë më e guximshme se unë, kjo është e sigurt”./tgcom
