Hetimet për Onkologjikun, SPAK merr në pyetje personat e përfshirë, rrëfehet Edmond Gashi

SPAK ka nisur marrjen në pyetje të personave të akuzuar për skandalin e Onkologjikut.

Këtë të enjte është paraqitur me kërkesë të prokurorit Elvin Gokaj, për të dhënë deklarime, mjeku Edmond Gashi.

Lexo edhe :

Related Posts

Mjeku Gashi mbetet në arrest shtëpie, Apeli zbut masën e sigurisë për të akuzuarit e tjerë te “Onkologjikut”

Skandali i Onkologjikut, Edmond Gashi mohon akuzat: Klientët vinin me dëshirë në klinikën time private

Skandali tek "Onkologjiku", kalon në SPAK dosja e mjekëve, Prokuria e Tiranës shpall moskompetencë

“Nisi si kontrabandë ilaçesh”, Ulsi Manja flet për skandalin tek Onkologjiku dhe skemën e mikrokredive: I kemi denoncuar, i takon drejtësisë të hetojë

Ndërkohë deri më tani SPAK është në pritje të përgjigjeve nga një sërë institucionesh lidhur me kërkesat për të dhëna e dokumentacion mbi mjekët, por edhe pasurinë e tyre.

Më 26 qershor, Prokuroria e Tiranës zbuloi skemën e mashtrimit  dhe zhvatjes së pacientëve të sëmurë me tumor në spitalin e Onkologjikut. Mjeku Edmond Gashi dyshohet se në bashkëpunim me kolegët e tij orientonin pacientët e diagnostikuar me kancer në një klinikë private, e cila rezulton në emër të babait të tij. Për çdo pacient që dërgohej për trajtim tek spitali privat, mjekët e Onkologjikut përfitonin shuma të konsiderueshme parash.

Nga hetimet u zbulua se në Onkologjik u instalua një aparaturë Kobalto-Terapie për trajtimin e të sëmurëve të diagnostikuar me sëmundje tumorale dhe sidomos të sëmundjeve të kancerit të lëkurës. Që të përdoret kjo aparaturë duhet të krijohet një bunker antiradioaktiv ose antiatomik në kushtet e miratuara dhe të prezantuara nga Agjencia Atomike e Vjenës, por pajisja, sipas akuzës, u vendos jashtë kushteve teknike./vizionplus.tv