Kryetarja e grupit demokrat, Rudina Hajdari ka akuzuar kryeministrin Edi Rama se ka anuluar takimin me presidentin e Maqedonisë së Veriut, Stevo Pendarovski 30 minuta para se të zhvillohej.
Duke e cilësuar si një turp për shtetin, Hajdari tha se anulimi i takimit ishte një shfaqe e shëmtuar nga ana e kryeministrit.
“Është për të ardhur turp që kryeministri Rama anuloi vizitën e tij me presidentin e Maqedonisë së Veriut. Ai e anuloi këtë takim 30 minuta para se të zhvillohej. Është akt i shëmtuar i shtetit tonë që të anulojë një vizitë të tillë të një niveli kaq të lartë sidomos duke marrë parasysh faktin se Maqedonia e Veriut është një shtet aleat dhe po ecën përpara me ne për të shkuar drejt rrugës së BE. Pra kemi disa sfida të përbashkëta. Ky anulim takimi ishte një shfaqje e shëmtuar.”
