Një shqiptar është vrarë në burgun e Koridhalos në Greqi mëngjesin e të hënës. Viktima është Albert Bako. Ai sapo ishte transferuar nga burgu i Hanias.
Transferimi i tij ishte marrë vesh nga disa anëtarë të një bande rivale, të cilët e futën në kurth dhe e vranë.
Albert Bako është i njohur në botën e krimit në Geqi. Ai ishte i dënuar për sulmin që bëri në Mikrolimano në një lokal në nëntor të vitit 2014, ku u plagosën 14 persona dhe shkaku I konfliktit ishte një kërcimtare.
Gjithashtu ai është përfshirë edhe në vrasjen e avokatit grek Jorgos Antonopoulos, me porosi të një personi të tretë për një çështje korruptive.
Ndërkohë të mërkurën, Albert Bako pritej të dilte përpara gjykatës për vrasjen e avokatit grek Mihali Zafiropoulos, pasi për këtë cështje ai dyshohej si porositës i krimit.
