Gjinari po tërheq turistët, vizitorët vlerësojnë natyrën dhe kulinarinë

Vetëm  25 km larg qytetit të Elbasanit ndodhet një ndër pikat turistike më të bukura dhe të frekuentuara të qarkut, Gjinari.

Një destinacion i cili frekuentohet masivisht në të katërt stinët e vitit.

Turistët vit pas viti kanë njohur një rritje të konsiderueshme. vendas dhe të huaj thonë se në Gjinar gjejnë qetësinë duke u larguar nga ndotja, stresi dhe aktiviteti i zhurmshëm i qytetit.

 “Kjo qetësi, natyra, zogjtë të bëjnë për vete, shumë Bukur! Ambienti është shumë i bukur, ajër i pastër! Ne vijmë gjithmonë këtu, na pëlqen shumë për natyrën që ka!”, shprehen turistët.

Një nga problemet për këtë pikë turistike ka qenë infrastruktura,  por së fundi edhe ajo po rehabilitohet , gjithashtu po punohet  për rregullimin e qendrës duke e kthyer në një nga pikat më atraktive të turizmit në bashkinë e Elbasanit.

Gjinari gjithashtu ka edhe  një vlerë tjeter të shtuar, pasi shërben edhe si zonë kurative, sidomos për ata që vuajnë nga problem  të mushkërive. /vizionplus.tv