Përfundon mbledhja e Këshillit Politik. Përfaqësuesi i Partisë Socialiste, Damian Gjiknuri ka komentuar kërkesën e opozitës së bashkuar drejtuar OSBE/ODIHR për çështjet që nuk gjejnë dakordësi mes palëve politike.
Në një prononcim për mediat, Gjiknuri tha se opozita erdhi sërish me të njëjtën retorikë, ndërsa theksoi se do të kërkojë asistimin e ODIHR vetëm mbi drafte konkrete, duke i konsideruar qëndrimet në letër: të njëanshme.
Sipas tij, letra e dërguar ka si qëllim minimin e procesit.
“Opozita erdhi sërish me të njëjën retorikë. Këshilli vepron sipas një standardi të imponuar nga opozita. Të vijnë me propozime konkrete. Ne nuk i drejtohemi ODIHR me qëndrime të njëanshme. Letra që sjellin, vetëm për të minuar procesin. Opozita po bllokon amendimet kushtetuese përmes Kodit Zgjedhor. Do të kërkojmë asistimin e ODIHR vetëm mbi drafte konkrete.”
