Gjermania ka preferuar të ndjekë një procedurë më të gjatë për të miratuar vaksinën anti-COVID dhe jo atë të zgjedhurën nga Britania e Madhe.
Kështu u shpreh ministri gjerman i Shëndetësisë, Jens Spahn pas polemikave pas lajmit se Britania do të nisë vaksinimin me Pfizer javën tjetër.
“Ne vendosëm të zgjedhim një qasje të përbashkët evropiane për të ecur përpara së bashku. Është e rëndësishmë që të ndiqet rruga e përbashkët për të ndihmuar në promovimin e besimit tek vaksina”, u shpreh ai.
